Klasa 2027 kryen me sukses trajnimin, FSK: Sfidimi i limiteve është çelësi kryesor i arritjes së qëllimeve në jetë

09:28 | 31 Gusht 2023
K.B

Pjesëtarët e Forcës së Sigurisë së Kosovës kanë përfunduar me sukses javën 0.

Në njoftim thuhet se klasa 2027 e ka përmbyllur me sukses javën 0, duke shtuar se kjo klasë ka zbuluar se motivi, këmbëngulja dhe sfidimi i limiteve janë çelësi kryesor i arritjes së qëllimeve në jetë.

“Klasa 2027 e përmbylli me sukses javën 0. Mishërimi i juaj me vlerat ushtarake ju përcjelltë gjatë gjithë karrierës tuaj të re. Ndonjëherë njerëzit testohen jo për të treguar dobësitë, por për të zbuluar pikat e tyre të forta. Kësaj radhe Klasa 2027 zbuloi para nesh se motivi, këmbëngulja dhe sfidimi i limiteve janë çelësi kryesor i arritjes së qëllimeve në jetë”, thuhet në njoftimin e Qendrës për Studime-Akademia e Mbrojtjes./Arbresh.info/